کراچی: ٹی وی کی مقبول اداکارہ کومل میر نے حالیہ وزن میں اضافے اور اس پر ہونے والی تنقید پر ردعمل کا اظہار کیا ہے۔
اداکارہ کومل میر حال ہی میں ایک پوڈکاسٹ میں شریک ہوئیں، جہاں انہوں نے اپنے وزن میں اچانک اضافے کے موضوع پر کھل کر بات کی۔ کومل نے کہا کہ میرا صرف 6 کلو وزن بڑھا ہے مگر وزن جلدی بڑھ گیا، اس لیے لوگ حیران ہیں۔ انہوں نے مزید کہا کہ وزن بڑھنے کے بعد ان میں خود اعتمادی پیدا ہوئی ہے۔
کومل میر کا کہنا تھا، مجھے سمجھ نہیں آتی لوگ مجھے موٹا کیوں کہہ رہے ہیں۔ جب میں دبلی تھی، تب بھی لوگ تنقید کرتے تھے۔ میں صرف 6 کلو وزنی ہوئی ہوں اور وہ بھی ایک ڈرامہ کردار کے لیے۔ یہ ایک اچھا پروجیکٹ تھا، جس کے لیے میں نے باقاعدہ وزن بڑھایا کیونکہ میں ہمیشہ سے انڈر ویٹ رہی ہوں۔
کاسمیٹک سرجری سے متعلق سوال پر انہوں نے واضح کیا کہ آج کل عام لوگ مشہور شخصیات سے زیادہ کاسمیٹک پروسیجرز کرواتے ہیں، لیکن میں نے کچھ نہیں کروایا۔ لوگ میرے گال دیکھتے ہیں لیکن میری ڈبل چن نہیں دیکھتے۔
انہوں نے مزید کہا کہ جو لوگ میرے وزن پر تنقید کررہے ہیں، ان سے کہوں گی کہ حسد نہ کریں۔ مجھے سانس لینے دیں، میں جِم جاؤں گی اور اپنا جسم ٹون کر لوں گی۔ ڈائٹ پلان بھی جلد شیئر کروں گی۔