آسٹریلیا میں گھر سے 100 سے زائد زہریلے سانپ پکڑے گئے

سڈنی: آسٹریلیا میں سانپ پکڑنے والے ایک اہلکار کو ایک گھر میں بلایا گیا، جس نے تین گھنٹے بعد 102 زہریلے سانپوں کو باہر نکالا۔
آسٹریلوی شہری ڈیوڈ اسٹین نے سڈنی کے ہارسلے پارک میں بنے اپنے گھر میں 6 کالے سانپ دیکھے۔
ڈیوڈ نے میڈیا نمائندوں کو بتایا کہ میں انہیں دیکھ کر کانپ رہا تھا۔ پھر میری بیوی نے گوگل کیا اور پایا کہ سانپ اس تعداد میں اس وقت جمع ہوتے ہیں جب وہ بچوں کو جنم دینے والے ہوتے ہیں۔
اسٹین نے فوری طور پر سانپ پکڑنے والے ڈیلن کوپر سے رابطہ کیا جو اطلاع ملنے کے ساتھ ہی اسٹین کے گھر پہنچے۔
کوپر کو معائنے پر پانچ بڑے سانپ ملے، جن میں سے چار انڈے دے رہے تھے جب کہ ان کے پاس ہی درجنوں سانپ کے بچے موجود تھے۔