کراچی: پاکستانی ڈراموں کے اُبھرتے ہوئے اداکار خوشحال خان نے باکسنگ کی دنیا میں بھی قدم رکھ دیا۔
لاہور میں باکسنگ کا ایک عالمی مقابلہ منعقد ہوا، جس میں اداکار خوشحال خان بھی رِنگ میں اترے اور انہوں نے اپنے حریف بشر خان کو دھول چٹائی۔
خوشحال خان کی باکسنگ کی یہ ویڈیو سوشل میڈیا پر بھی وائرل ہورہی ہے جس میں انہیں کامیابی پر خوشی مناتے دیکھا جاسکتا ہے۔
خوشحال خان کو بھرپور سپورٹ کرنے ان کے دوست اداکار علی رضا اور سحر خان بھی موجود تھیں، جنہوں نے اداکار کی کامیابی کا جشن منایا۔
اداکار کی اس کامیابی پر ان کے مداحوں کی جانب سے انہیں سراہا جارہا ہے۔
