کراچی: ٹی وی کی مقبول اداکارہ مریم انصاری اور اویس خان کے ہاں بیٹی کی پیدائش ہوئی ہے۔
اویس خان نے فوٹو اینڈ ویڈیو شیئرنگ پلیٹ فارم انسٹاگرام پر اسٹوری شیئر کرتے ہوئے مداحوں کو یہ خبر دی کہ ان کے ہاں ننھی پری نے جنم لیا ہے۔
مریم انصاری کے یہاں بیٹی کی پیدائش سے سابق قومی کرکٹ کپتان معین خان دادا اور اعظم خان چچا بن گئے۔
مریم انصاری کی بیٹی کی پیدائش بروز منگل 4 جولائی 2023 کو ہوئی جس کا نام عمایا خان رکھا گیا ہے، تاہم انہوں نے اب یہ خوش خبری مداحوں کو سُنائی ہے۔
معین خان دادا جب کہ اعظم خان چچا بننے پر بے حد خوش ہیں۔ اب سے کچھ دن قبل مریم انصاری نے اپنی ساس کے ساتھ ویڈیو شیئر کرتے ہوئے مداحوں کو یہ خبر دی تھی کہ جلد ان کے ہاں ننھے مہمان کی آمد متوقع ہے۔
خیال رہے کہ اداکارہ مریم انصاری پاکستان کے سابق کرکٹر معین خان کے بیٹے اویس خان کے ساتھ 2021 دسمبر میں رشتہ ازدواج سے منسلک ہوئی تھیں۔