کراچی: سندھ دھرتی سے تعلق رکھنے والی سینئر اداکارہ شبیراں چنا حادثے میں گزشتہ دنوں زخمی ہوگئی تھیں، اب زخموں کی تاب نہ لاتے ہوئے انتقال کر گئیں۔
شبیراں چنا اپنی بیٹی کے ہمراہ 24 اپریل کو نواب شاہ کی تحصیل قاضی احمد کے قریب ٹریفک حادثے کا شکار ہوکر شدید زخمی ہوگئی تھیں۔
اداکارہ کو علاج کے لیے کراچی کے سرکاری اسپتال میں منتقل کیا گیا تھا جب کہ وزیرِاعلیٰ سندھ مراد علی شاہ اور صوبائی وزیر ثقافت سید سردار شاہ نے شبیراں چنا کا علاج سرکاری خرچ پر کرانے کا اعلان بھی کیا تھا۔
تاہم شبیراں چنا زخموں کی تاب نہ لاتے ہوئے انتقال کر گئیں۔ وزیرِاعلیٰ سندھ اور صوبائی وزیر ثقافت نے اداکارہ کی موت پر گہرے دُکھ کا اظہار کیا ہے۔
