کراچی: آٹے کی قیمتوں ہوش رُبا اضافے کے بعد روٹی کی قیمت بھی بڑھادی گئی۔
نان بائی ایسوسی ایشن کی جانب سے کراچی میں نان کی قیمت بڑھادی گئی، جس کے بعد نان 20 روپے کا ہوگیا ہے۔
اس کے علاوہ چھوٹی چپاتی کی قیمت 12 روپے، درمیانی چپاتی 15 اور بڑی چپاتی کی قیمت 17 روپے کردی گئی ہے۔
تندور مالکان کا کہنا تھا کہ آٹے کی قیمت میں اضافہ ہونے سے نان اور چپاتی کی قیمت بڑھائی گئی ہے۔
واضح رہے کہ امسال پہلے بھی روٹی کی قیمتوں میں اضافہ کیا جاچکا ہے۔ روٹی پر ہی کیا موقوف دیگر اشیاء خورونوش کے نرخ بھی ہوش رُبا حد تک بڑھ چکے ہیں۔