کراچی: حقیقی زندگی میں چند برس قبل ٹوٹ جانے والی شوبز کی معروف جوڑی سائرہ یوسف اور شہروز سبزواری کی فلم کا پوسٹر جاری ہوگیا۔
اداکارہ و ماڈل سائرہ یوسف اور شہروز سبزواری کی رومانوی فلم بے بی لیشیس babylicious کی پہلی جھلک منظرِعام پر آگئی۔
سائرہ یوسٹ نے اپنے آفیشل انسٹاگرام اکاؤنٹ پر فلم کا پوسٹر شیئر کرتے ہوئے مداحوں کو آگاہ کیا کہ ان کی فلم اگلے برس ویلنٹائن کے موقع پر سنیما گھروں کی زینت بنے گی۔
اس فلم کی پروڈکشن اور عکس بندی کا آغاز کووِڈ سے قبل ہوگیا تھا، تاہم اسی دوران سائرہ اور شہروز نے طلاق کا فیصلہ لیتے ہوئے راہیں جدا کرلی تھیں، فلم کی ریلیز انہیں وجوہ کی بنا پر تاخیر کا شکار رہی۔
شہروز اور سائرہ کی فلم کا مداح بے صبری سے انتظار کررہے ہیں، تاہم مداحوں کا کہنا ہے کہ اس ٹوٹی ہوئی جوڑی کی رومانوی فلم دیکھ کر خوشی سے زیادہ تکلیف ہوگی۔
