سکندر آباد: بھارت میں آگ لگنے کے واقعے میں 8 افراد زندہ جل گئے، بھارتی ریاست تلنگانہ کے شہر سکندرآباد میں الیکٹرک موٹرسائیکلوں کے شو روم میں آگ بھڑک اٹھی، جس سے خاتون سمیت 8 افراد ہلاک اور متعدد زخمی ہوگئے۔
بھارتی میڈیا رپورٹس کے مطابق پولیس نے خیال ظاہر کیا ہے کہ شوروم میں آگ الیکٹرک موٹر سائیکل کی چارجنگ کے دوران لگی اور اسی وجہ سے شارٹ سرکٹ ہوا، جس سے آگ بھڑک اٹھی اور اس نے پوری عمارت کو اپنی لپیٹ میں لے لیا۔
پولیس حکام کے مطابق شوروم کی آگ عمارت کی چوتھی منزل تک بھی جاپہنچی جس سے ایک ریسٹورنٹ کو نقصان پہنچا۔
پولیس کے مطابق چند لوگوں نے اپنی جان بچانے کے لیے عمارت سے چھلانگ بھی لگائی جس کے باعث زخمیوں اور ہلاکتوں میں اضافہ ہوا۔
