لاہور: پاکستانی اوپنر عابد علی کے چچا زاد بھائی کورونا وائرس کے باعث جاں بحق ہو گئے۔
سماجی رابطے کی ویب سائٹ ٹویٹر پر ٹویٹ کرتے ہوئے ٹیسٹ کرکٹر عابد علی نے لکھا کہ چچا زاد بھائی کورونا وائرس کے باعث زندگی کی بازی ہار گئے ہیں،اوپننگ بیٹسمین نے مداحوں سے اپنے چچا زاد بھائی کی مغفرت کے لیے دعا کی اپیل کی۔
اُن کا کہنا تھا کہ احتیاطی تدابیر کے طور پر جنازے میں صرف خاندان کے افراد شریک ہوں گے، ان کی فیملی پر یہ مشکل وقت ہے،دعا ہے کہ پوری دنیا کو اس وبا سے جلد نجات مل جائے۔
