کراچی: ٹی وی ڈراموں کی معروف اداکارہ سارہ خان اور گلوکار فلک شبیر کے گھر ایک ننھی پری کی آمد ہوئی ہے، جی ہاں دونوں والدین کے منصب پر فائز ہوگئے ہیں۔
انسٹاگرام پر گلوکار فلک شبیر کی جانب سے اپنے اور سارہ خان کے ہاتھ کے ساتھ بچی کے ہاتھ کی تصویر شیئر کرتے ہوئے مداحوں کو والدین بننے سے متعلق خوش خبری دی ہے۔
فلک شبیر نے اپنی پوسٹ میں مداحوں کو ربیع الاول کی مبارک باد دی اور لکھا کہ اس بابرکت مہینے کے بابرکت دن کے موقع پر اللّہ تعالیٰ نے ہمیں اپنی رحمت سے نوازا ہے۔
انہوں نے اپنی پوسٹ میں بیٹی کی پیدائش پر محسوس کی جانے والی خوشی کا اظہار کرتے ہوئے مداحوں کو بیٹی کی محبت سے بھی آگاہ کیا۔
گلوکار فلک شبیر نے اس خوبصورت موقع پر اللہ کا شکر ادا کرتے ہوئے بیٹی کے نام سے متعلق بھی مداحوں کو آگاہ کیا اور بتایا کہ اُنہوں نے اپنی بیٹی کا نام عالیانہ فلک رکھا ہے۔
گلوکار نے پوسٹ کے کیپشن میں مداحوں کی جانب سے ملنے والی دُعاؤں اور محبت کے لیے اُن کا بھی شکریہ ادا کیا۔