کراچی: سندھ کابینہ نے سانحہ گل پلازہ میں شہید ہونے والوں کے اہل خانہ کو ایک کروڑ روپے فی کس دینے کی منظوری دے دی۔
وزیراعلیٰ سندھ مراد علی شاہ کی زیر صدارت ہونے والے صوبائی کابینہ کے اجلاس میں بتایا گیا کہ سانحہ گل پلازہ میں متاثر ہونے والے دکان داروں کو 5-5 لاکھ روپے کچن اور یوٹیلیٹی اخراجات کے لیے کمشنر کے ذریعے ادا کیے جارہے ہیں۔
سندھ کابینہ نے متاثرہ دکان داروں کو ایک ایک کروڑ روپے بلاسود قرض فراہم کرنے کی منظوری دی اور اس موقع پر وزیراعلیٰ مراد علی شاہ کا کہنا تھا ہم سب کی ذمے داری ہے کہ متاثرین کو ہر ممکن ریلیف فراہم کریں۔
سندھ کابینہ نے سانحہ گل پلازہ پر افسوس کا اظہار کیا، وزیراعلیٰ مُراد علی شاہ کی سربراہی میں سب کمیٹی قائم کردی گئی، سب کمیٹی میں صوبائی وزراء شرجیل انعام میمن، ناصر حسین شاہ، سعید غنی اور ضیاء الحسن لنجار شامل ہیں۔
سب کمیٹی کمشنر کراچی کی سربراہی میں قائم انکوائری کمیٹی کی رپورٹ کا جائزہ لے گی، سب کمیٹی کمشنر کی رپورٹ کی روشنی میں مزید کارروائی اور لائحہ عمل کا فیصلہ کرے گی۔
سندھ کابینہ نے سانحہ گل پلازہ کے متاثرین کے لیے معاوضہ کی منظوری بھی دی، سانحہ گل پلازہ کے شہداء کے اہل خانہ کو ایک ایک کروڑ روپے دینے کا فیصلہ کیا گیا۔
وزیراعلیٰ سندھ نے کہا کہ متاثرہ دکان داروں کو پانچ پانچ لاکھ روپے کچن اور یوٹیلیٹی اخراجات کے لیے کمشنر کے ذریعے ادا کیے جارہے ہیں، ہم سب کی ذمے داری ہے کہ متاثرین کو ہر ممکن ریلیف فراہم کریں۔
کابینہ نے متاثرہ دکان داروں کو ایک ایک کروڑ روپے بلاسود قرضہ فراہم کرنے کی منظوری دی، مراد علی شاہ نے کہا کہ یہ قرضہ دکان داروں کے دوبارہ کاروبار شروع کرنے کے لیے دیا جارہا ہے، ایک کروڑ روپے پر واجب الادا سود حکومت سندھ ادا کرے گی۔
تمام متاثرہ دکان داروں کو دو ماہ کے اندر کاروبار شروع کرنے کے لیے دکان کی سہولت فراہم کی جائے گی، وزیراعلیٰ سندھ کا کہنا تھا کہ ہم دکان داروں کے تحفظ اور سہولت کے لیے ہر ممکن اقدامات کریں گے۔
