آج سال کا سب سے چھوٹا دن اور طویل ترین رات ہوگی

کراچی: محکمہ موسمیات کا کہنا ہے کہ آج رواں سال کا سب سے چھوٹا دن ہے اور طویل ترین رات ہوگی۔
اس حوالے سے محکمہ موسمیات کا بتانا ہے کہ آج رواں سال کا سب سے چھوٹا دن ہونے کے ساتھ آج کی رات رواں سال کی طویل ترین رات ہے۔
محکمہ موسمیات کے مطابق آج طلوع آفتاب صبح 7 بج کر 12 منٹ پر ہوا اور آج غروب آفتاب شام 5 بج کر 48 منٹ پر ہوگا، آج دن کا دورانیہ 10 گھنٹے سے زائد پر مبنی ہوگا جب کہ آج رات کا دورانیہ 14 گھنٹے ہوگا۔