لاہور: پنجاب کے دارالحکومت میں ایک اور ٹک ٹاکر کو فراڈ کے الزام میں گرفتار دھر لیا گیا۔
لاہور کے ٹک ٹاکر خرم گجر کا اوورسیز پاکستانی کے ساتھ فراڈ سامنے آگیا۔
اطلاعات کے مطابق ٹک ٹاکر خرم گجر پر الزام ہے کہ اس نے رانا ارسلان نامی شخص کے ساتھ دو لاکھ یورو کا فراڈ کیا ہے۔
خرم گجر نے رانا ارسلان سے کمرشل پلاٹ کی خریداری کے لیے دو لاکھ یورو لیے تھے، لیکن ایک سال بعد بھی اسے دکھایا گیا کمرشل پلاٹ خرید کر نہ دیا۔
رانا ارسلان کی جانب سے رقم کی واپسی کے مطالبے پر خرم گجر انکاری ہوگیا اور دھمکیاں بھی دیں۔
رانا ارسلان کی درخواست پر تھانہ ڈیفنس سی میں مقدمہ درج کیا گیا تھا۔ جس کے بعد پولیس نے دھمکیوں اور امانت میں خیانت کے الزام پر ٹک ٹاکر خرم گجر کو گرفتار کرلیا ہے۔
