پاکستان اور بنگلا دیش کے درمیان ٹی ٹوئنٹی سیریز کے بعد 2 ٹیسٹ میچز کی سیریز کا پہلا ٹیسٹ میچ آج چٹا گانگ میں کھیلا جارہا ہے۔
پہلے میچ میں ایک بار پھر بنگلادیش نے پاکستان کے خلاف ٹاس جیت کر پہلے بیٹنگ کا فیصلہ کیا۔ 14 اوورز میں بنگلادیش 43 اسکور بنانے میں کامیاب ہو چکی ہے، جبکہ اس کے دو کھلاڑی پویلین لوٹ چکے ہیں۔
پاکستان کی طرف سے ایک وکٹ شاہین شاہ آفریدی جبکہ دوسری حسن علی نے لی۔
گزشتہ روز بنگلہ دیش کیخلاف پہلے ٹیسٹ میچ کے لیے 12رکنی قومی ٹیم کا اعلان کیا گیا تھا، بابر اعظم کپتان اور محمد رضوان نائب کپتان ہوں گے۔ کھلاڑیوں میں عبداللہ شفیق ،عابد علی، اظہر علی، فہیم اشرف، فواد عالم شامل ہیں۔
حسن علی ، امام الحق اور نعمان علی ، ساجد خان اور شاہین شاہ آفریدی بھی ٹیم کا حصہ ہیں۔
دوسرا ٹیسٹ میچ 4 دسمبر سے شیر بنگال اسٹیڈیم ڈھاکہ میں کھیلا جائے گا۔ یاد رہے کہ اس سے پہلے پاکستان بنگلہ دیش کو ٹی ٹوئنٹی سیریز میں 0۔3 سے شکست دے چکا ہے۔
