بنوں: امن کمیٹی ارکان پر دہشت گردوں کی فائرنگ کے نتیجے میں 4 افراد جان کی بازی ہار گئے۔
پولیس کے مطابق بنوں میں ہوید کے علاقے میں امن کمیٹی ارکان پر دہشت گردوں نے فائرنگ کی۔
پولیس کا کہنا ہے کہ امن کمیٹی کے ارکان گلبدین لنڈائی ڈاک میں جرگے سے واپس آرہے تھے کہ اس دوران گھات لگائے دہشت گردوں نے ان پر اندھا دھند فائرنگ کردی، جس کے نتیجے میں 4 افراد جاں بحق ہوگئے۔
پولیس کا بتانا ہے کہ جاں بحق ہونے والوں میں باپ بیٹا بھی شامل ہیں۔
پولیس کے مطابق واقعے کے بعد علاقے کو گھیرے میں لے کر سرچ آپریشن شروع کردیا گیا جب کہ جاں بحق افراد کی لاشیں ڈسٹرکٹ ہیڈ کوارٹر اسپتال منتقل کردی گئی ہیں۔
