راولپنڈی: چیف آف ڈیفنس فورسز فیلڈ مارشل سید عاصم منیر نے کہا ہے کہ علما قوم کو متحد رکھیں اور قوم کی نظر میں وسعت پیدا کریں۔
آرمی چیف فیلڈ مارشل عاصم منیر نے قومی علما مشائخ کانفرنس سے خطاب کرتے ہوئے کہا کہ ریاست طیبہ اور ریاست پاکستان کا آپس میں گہرا تعلق ہے، سعودی عرب کے ساتھ دفاعی معاہدہ تاریخی ہے، اللہ نے تمام مسلم ممالک میں سے محافظین حرمین کا شرف پاکستان کو عطا کیا۔
انہوں نے کہا کہ جس قوم نے علم اور قلم کو چھوڑا تو انتشار اور فساد فی الارض نے وہاں جگہ لی، عزت اور طاقت تقسیم سے نہیں محنت اور علم سے حاصل ہوتی ہے۔
چیف آف ڈیفنس فورسز نے مزید کہا کہ دہشت گردی پاکستان کا نہیں ہندوستان کا وتیرہ ہے، ہم دشمن کو چھپ کر نہیں للکار کر مارتے ہیں، اسلامی ریاست میں ریاست کے سوا کوئی جہاد کا حکم نہیں دے سکتا، معرکۂ حق میں اللہ کی نصرت سے کامیابی ملی۔
