کراچی: اسٹیٹ بینک آف پاکستان نے مانیٹری پالیسی کا اعلان کرتے ہوئے شرح سود میں 50 بیسز پوائنٹس کی کمی کردی۔
نئی شرح سود 10.50 فیصد مقرر کردی گئی، شرح سود میں سات ماہ بعد کمی دیکھنے میں آئی ہے۔
مرکزی بینک کی جانب سے جاری مانیٹری پالیسی کے اعلان کے بعد سود کی نئی شرح 10.50 فیصد مقرر ہوگئی ہے۔
معاشی تجزیہ کاروں کی جانب سے یہ توقع کی جا رہی تھی کہ شرح سود کو 11 فیصد پر برقرار رکھا جائے گا، لیکن غیر متوقع طور پر مانیٹری پالیسی کمیٹی نے شرح سود 50 بیسز پوائنٹ کم کردی۔
خیال رہے کہ اسٹیٹ بینک کی جانب سے آخری بار مئی 2025 میں شرح سود میں 100 بیسز پوائنٹ کی کمی کی تھی جس کے بعد لگاتار شرح سود 11 فیصد پر برقرار رکھی گئی تھی۔
