جنوبی وزیرستان: جنوبی وزیرستان کے اعظم ورسک بازار کی مسجد میں دھماکے سے جے یو آئی کے ضلعی امیر سمیت متعدد افراد زخمی ہوگئے۔
پولیس کے مطابق دھماکا اعظم ورسک کی مسجد میں ہوا، جس میں کئی افراد کے زخمی ہونے کی اطلاعات ہیں۔
ڈی پی او آصف بہادر نے نجی ٹی وی کو بتایا کہ دھماکا خیز مواد مسجد میں نصب تھا، دھماکے میں جے یو آئی کے ضلعی امیر عبداللہ ندیم سمیت 4 افراد زخمی ہوئے۔
خیال رہے کہ کچھ عرصہ قبل نوشہرہ میں دارالعلوم حقانیہ اکوڑہ خٹک کی مسجد میں بھی خودکُش حملہ ہوا تھا جس میں سربراہ جے یو آئی (س) مولانا حامد الحق سمیت 8 افراد شہید اور کئی افراد زخمی ہوئے تھے۔
