کراچی: بلوچستان میں آج سے بارش اور پہاڑوں پر برف باری کا سلسلہ شروع ہونے کی پیش گوئی کی گئی ہے۔
خیبرپختون خوا میں آج سے یکم جنوری تک بارش اور تیز ہواؤں کا امکان ہے۔
دوسری جانب گلگت بلتستان کے کئی علاقوں میں بارش اور درمیانی برف باری کی توقع کی جارہی ہے۔
محکمۂ موسمیات کے مطابق کراچی اور حیدرآباد میں بھی آج ہلکی بارش کی توقع ہے، کراچی میں بارش کے بعد موسم مزید سرد ہونے کا بھی امکان ہے۔
محکمۂ موسمیات کے مطابق کراچی میں ہوا میں نمی کا تناسب 76 فیصد ہے، شہر میں منگل سے بدھ کے درمیان مغربی ہواؤں کا سسٹم اثرانداز ہوسکتا ہے۔
