لاہور: ٹی وی، اسٹیج اور فلم کے سینئر اداکار انور علی طویل علالت کے بعد انتقال کر گئے۔ اُن کی عمر 71 برس تھی۔
اداکار انور علی پھیپھڑوں اور گردوں کے عارضے میں مبتلا تھے اور کئی دنوں سے زیرِ تھے۔
گزشتہ شب انہیں طبیعت خراب ہونے پر رائیونڈ روڈ کے اسپتال داخل کرایا گیا جہاں انہوں نے اپنی آخری سانسیں لیں۔
خیال رہے کہ اداکار انور علی کی نماز جنازہ کا اعلان تاحال نہیں کیا گیا ہے۔
واضح رہے کہ انور علی کو پاکستان کی فلم اور تھیٹر کی تاریخ کے بہترین مزاح نگاروں اور اداکاروں میں سے ایک سمجھا جاتا ہے۔ اپنے منفرد انداز اور بے مثال طنز و مزاح سے انہوں نے لاکھوں لوگوں کے دل جیتے۔
مداحوں اور شوبز انڈسٹری سے تعلق رکھنے والی ساتھی شخصیات کی جانب سے انور علی کے انتقال پر دُکھ کا اظہار کیا جارہا ہے۔
