اسرائیلی وزیراعظم بنجمن نیتن یاہو نے سیکیورٹی خدشات پر اپنا بھارت کا دورہ منسوخ کردیا۔
اسرائیلی میڈیا کی رپورٹ کے مطابق گزشتہ دنوں بھارتی دارالحکومت نئی دہلی میں ہونے والے بم دھماکے کے بعد نیتن یاہو نے ایک بار پھر اپنا دورۂ بھارت ملتوی کردیا ہے۔
رپورٹ کے مطابق اسرائیلی وزیراعظم نے اس سال کے آخر میں بھارت کا دورہ کرنا تھا، اس دوران ان کی بھارتی وزیراعظم نریندر مودی سمیت دیگر قیادت سے ملاقات طے تھی۔
اس سے قبل نیتن یاہو نے ستمبر میں ہونے والا ایک روزہ دورۂ بھارت بھی منسوخ کردیا تھا جب کہ اسرائیلی وزیراعظم آخری بار سال 2018 میں بھارت کے دورے پر آئے تھے۔
