کراچی: یمنیٰ زیدی اور ہمایوں سعید گرین ٹی وی کے ڈرامے جنٹلمین میں ایک ساتھ جلوہ گر ہورہے ہیں۔
جنٹلمین کے لیاری پریمیئر میں اس ڈرامے کے مرکزی کرداروں یمنیٰ زیدی اور ہمایوں سعید نے شرکت کی، جس کی تصاویر تیزی سے وائرل ہوگئیں۔ اس موقع پر لیاری والوں کا جوش و خروش دیدنی تھا، اُنہوں نے ان فنکاروں کا شاندار استقبال کیا۔
گرین انٹرٹینمنٹ نے لیاری میں بسنے والے لوگوں کے لیے جنٹلمین کی اسکریننگ کی میزبانی کی، لیاری والوں نے مرکزی اداکاروں کا اُن کے شایان شان استقبال کیا۔
سپر اسٹارز نے ستاروں سے بھری رات میں اپنے پرجوش مداحوں کے ساتھ بات چیت کرکے اور سیلفیز لیتے وقت گزارا۔
یمنیٰ زیدی نے جامنی رنگ کا لباس زیب تن کیا تھا جب کہ ہمایوں نے روایتی سیاہ کرتہ سیٹ پہن رکھا تھا۔
یمنیٰ زیدی گلابی گلابوں کے ساتھ اپنے صاف ستھرے بندھے ہوئے جوڑے میں خوب جچ رہی تھیں۔
جنٹلمین، جو گرین ٹی وی پر دھوم مچاتے ہوئے نشر ہوا ہے، ایک بار پھر ہمایوں سعید اور عدنان صدیقی کو ان کے ڈرامہ میرے پاس تم ہو کی غیر متزلزل کامیابی کے بعد اسکرین پر لایا گیا ہے۔
ڈرامہ سیریل میں شامل دیگر بڑے نام زاہد احمد، احمد علی بٹ، یمنیٰ زیدی اور سوہائے علی ابڑو شامل ہیں۔
یمنیٰ زیدی اور ہمایوں سعید کے دلوں پر راج کرنے والی پروموشنز کسی فلم کی تشہیر سے کم نہیں۔