ریاض: وزیراعظم شہباز شریف نے وفد کے ساتھ عمرہ کی سعادت حاصل کرلی۔
مکہ مکرمہ میں متعدد سعودی حکام نے مسجد حرام میں ان کا استقبال کیا، وزیراعظم نے خانہ کعبہ میں نوافل ادا کیے اور ملک و قوم اور امت مسلمہ کی فلاح و بہبود اور ترقی کے لیے دعا کی۔
وزیراعظم کے ہمراہ وزیر خارجہ اسحاق ڈار، وزیراعلیٰ پنجاب مریم نواز، حمزہ شہباز، عون چوہدری، عبدالعلیم خان، سینئر وزیر سندھ شرجیل انعام میمن و دیگر نے بھی عمرہ کی سعادت حاصل کی۔
وزیراعظم شہباز شریف کے آفیشل سوشل میڈیا اکاؤنٹ پر ان کی عمرہ ادا کرتے ہوئے تصاویر شیئر کی گئی ہیں، جس میں انہیں احرام باندھے دیکھا جاسکتا ہے جب کہ وفد کو سیکیورٹی اہلکاروں نے حفاظتی حصار میں لے رکھا ہے۔