کراچی: معروف اداکارہ سجل علی اور ان کے شوہر و اداکار احد رضا میرنے ایک اور بڑا اعزاز اپنے نام کرلیا۔
سجل علی اور احد رضا میر کی اداکاری کے مداح دیوانے ہیں۔ مداح اس جوڑی کو اسی لیے سوشل میڈیا پر بھی فالو کرتے ہیں تاکہ انہیں ان کے لائف اسٹائل اور اُن کے آنے والے پروجیکٹس کے بارے میں پتا چل جائے۔
دونوں اداکاروں نے اپنے چاہنے والوں کو اپنے ایک نئے اعزاز کے بارے میں بتایا، جس پر مداح نہایت خوشی کا اظہار کررہے ہیں۔
سجل علی اور احد رضا میر نے انسٹاگرام پر بتایا کہ وہ معروف ’گرین کارپیٹ فیشن ایوارڈ‘ کا حصہ بن کر معیاری فیشن کو سپورٹ کرنے جارہے ہیں۔ اور یہ بڑا ایوارڈ کوئی اور نہیں بلکہ ہالی وُڈ کے بڑے اداکار”رابرٹ ڈونی جونیئر” ہوسٹ کریں گے۔