اسلام آباد: وفاقی حکومت نے یوم یکجہتی کشمیر کے موقع پر ملک بھر میں عام تعطیل کا اعلان کردیا۔
رپورٹ کے مطابق اس سلسلے میں وفاقی حکومت کی جانب سے عام تعطیل کا نوٹیفکیشن بھی جاری کردیا گیا۔
وفاقی حکومت کی جانب سے تعطیل کے جاری نوٹیفکیشن میں کہا گیا کہ ملک بھر میں 5 فروری 2026 کو یومِ کشمیر کے موقع پر عام تعطیل ہوگی۔
یوم یکجہتی کشمیر کے موقع پر ملک بھر میں عام تعطیل کے دوران سرکاری اور نجی ادارے بند رہیں گے جب کہ تعلیمی اداروں میں بھی تدریسی سرگرمیاں معطل ہوں گی۔ اس دن کی مناسبت سے وفاقی اور صوبائی سطح پر مختلف تقاریب، ریلیاں اور سیمینارز کا انعقاد کیا جائے گا جن میں کشمیری عوام کے ساتھ اظہارِ یکجہتی کیا جائے گا۔ وفاقی دارالحکومت اسلام آباد سمیت چاروں صوبوں میں خصوصی پروگرام ترتیب دیے گئے ہیں۔ حکومتی ذرائع کے مطابق یومِ کشمیر منانے کا مقصد کشمیری عوام کی جدوجہد کو اجاگر کرنا اور عالمی برادری کی توجہ مقبوضہ کشمیر میں انسانی حقوق کی خلاف ورزیوں کی جانب مبذول کرانا ہے۔ سرکاری عمارتوں پر قومی پرچم سرنگوں رکھا جائے گا۔
