کراچی: ڈی آئی جی ٹریفک پیر محمد شاہ کو عہدے سے ہٹا دیا گیا۔
سندھ پولیس کی جانب سے جاری نوٹیفکیشن کے مطابق پیر محمد شاہ کی جگہ مظہر نواز شیخ کو ڈی آئی جی ٹریفک کراچی تعینات کر دیا گیا ہے۔
ذرائع کے مطابق پیر محمد شاہ کو گل پلازہ سانحے کے بعد ٹریفک کا انتظام نہ کرنے پر عہدے سے ہٹایا گیا۔
ذرائع کا کہنا ہے کہ گل پلازہ میں آتش زدگی کے بعد گل پلازہ اور اطراف میں ٹریفک کی روانی متاثر ہوئی تھی، ٹریفک کے باعث فائر بریگیڈ کو پہنچنے میں بھی مشکلات کا سامنا کرنا پڑا تھا۔
دھیان رہے کہ چند روز قبل گل پلازہ میں ہونے والی آتش زدگی کے واقعے میں 79 افراد جاں بحق ہوئے تھے۔
