لاہور: وزیراعلیٰ پنجاب مریم نواز کے صاحبزادے جنید صفدر بارات لے کر دلہنیا لینے پہنچ گئے۔ گزشتہ روز جاتی اُمرا میں مہندی کی شاندار تقریب منعقد ہوئی۔ ان دونوں ایونٹس کی تصاویر سوشل میڈیا پر تیزی سے وائرل ہوگئیں۔
آج جنید صفدر کی بارات لاہور کی نجی ہاؤسنگ سوسائٹی پہنچی جس میں سابق وزیراعظم نواز شریف، وزیراعظم شہباز شریف، وزیراعلیٰ پنجاب مریم نواز اور اہل خانہ سمیت وفاقی و صوبائی وزرا ملکی و غیر ملکی مہمان بھی شریک ہیں۔
جنید صفدر کی شادی شانزے علی روحیل سے ہورہی ہے جو پاکستان مسلم لیگ (ن) کے سینئر رہنما اور سابق رکن قومی اسمبلی شیخ روحیل اصغر کی پوتی ہیں۔
جنید صفدر کے ولیمے کی تقریب کل جاتی امرا میں ہوگی جب کہ ان کی مہندی کی تقریب گزشتہ شب جاتی امرا میں ہی ہوئی تھی۔
وزیراعلیٰ پنجاب مریم نواز کے صاحبزادے اور سابق وزیراعظم نواز شریف کے نواسے جنید صفدر کی شادی کی تقریبات کا سلسلہ شروع ہوگیا۔
جاتی امرا میں جنید صفدر کی مہندی کی تقریب کا انعقاد کیا گیا جس میں بڑی تعداد میں مہمان شریک ہوئے۔
جنید صفدر نے سوشل میڈیا پلیٹ فارم انسٹاگرام پر اپنی اور ہونے والی دلہن شانزے علی روحیل کی تصاویر شیئر کیں۔
تصاویر میں دیکھا جاسکتا ہے جنید نے کالے رنگ کی شلوار قیمص اور بھورے رنگ کی شال لی ہوئی ہے جب کہ شانزے نے خوبصورت رنگوں والا لہنگا زیب تن کیا۔
اس کے علاوہ سوشل میڈیا پر جوڑے کی مختلف پوز میں تصاویر بھی وائرل ہورہی ہیں۔
18 جنوری کو وزیراعلیٰ پنجاب مریم نواز کے صاحبزادے کی دعوتِ ولیمہ کا انعقاد ہوگا۔
