کراچی: پاکستان کی خواتین کرکٹ ٹیم کی معروف کھلاڑی اور آل راؤنڈر عمائمہ سہیل شادی کے بندھن میں بندھ گئیں۔
عمائمہ سہیل کی شادی کی تقریب کراچی میں منعقد ہوئی جس میں اہلِ خانہ، قریبی رشتہ داروں اور دوست احباب نے شرکت کی۔
شادی کی خوبصورت تصاویر اور ویڈیوز سوشل میڈیا پر تیزی سے وائرل ہورہی ہیں جنہیں شائقین کرکٹ کی جانب سے بے حد پسند کیا جارہا ہے۔
عمائمہ سہیل کا شمار پاکستان ویمن کرکٹ ٹیم کی نمایاں کھلاڑیوں میں ہوتا ہے اور وہ متعدد بین الاقوامی مقابلوں میں ملک کی نمائندگی کرچکی ہیں۔
شادی کے موقع پر کرکٹ حلقوں اور مداحوں کی جانب سے انہیں مبارک بادیں دی جا رہی ہیں۔
