فیلڈ مارشل کی بطور چیف آف ڈیفنس فورسز تقرری و سربراہ پاک فضائیہ کی مدت ملازمت میں توسیع، نوٹیفکیشن جاری
اسلام آباد: فیلڈ مارشل سید عاصم منیر کی بطور چیف آف ڈیفنس فورسز تعیناتی اور ایئر چیف مارشل ظہیر احمد بابر سدھو کی مدت ملازمت میں توسیع کے نوٹیفکیشن جاری کردیے گئے۔
نوٹیفکیشن وزارت دفاع نے جاری کیے، گزشتہ روز صدر مملکت نے چیف آف ڈیفنس فورسز کی تقرری اور ایئر چیف کی مدت ملازمت میں توسیع کی منظوری دے دی تھی۔
وزارت دفاع نے فیلڈ مارشل سید عاصم منیر کی بطور چیف آف ڈیفنس فورسز تعیناتی اور ایئر چیف مارشل ظہیر احمد بابر سدھو کی مدت ملازمت میں توسیع کے نوٹیفکیشن جاری کردیے۔
گزشتہ روز صدر آصف علی زرداری نے وزیراعظم کی سفارش پر فیلڈ مارشل سید عاصم منیر کی بطور چیف آف ڈیفنس فورسز تعیناتی کا نوٹیفکیشن جاری کیا تھا۔ صدر مملکت کی منظوری کے بعد وزارت دفاع نے بھی فیلڈ مارشل عاصم منیر کی بطور چیف آف ڈیفنس تعیناتی کا نوٹیفکیشن جاری کردیا۔
نوٹیفکیشن کے مطابق فیلڈ مارشل عاصم منیر کی بطور چیف آف ڈیفنس فورسز تقرری 5 سال کے لیے ہوگی جب کہ ایئر چیف مارشل ظہیر احمد بابر کی بطور سربراہ پاک فضائیہ مدت میں 2 سال کی توسیع کی گئی ہے۔
صدر مملکت نے ایئرچیف مارشل ظہیر احمد سدھو کی مدت ملازمت میں بھی 2 سال کی توسیع کی منظوری دی تھی، اعلامیے کے مطابق ایئر چیف کی توسیع شدہ مدت ملازمت 19مارچ 2026 سے شروع ہوگی۔