چترال: ڈومیل میں گھر پر برفانی تودہ گرنے سے 9 افراد جاں بحق ہوگئے۔
ڈی سی آفس چترال کے مطابق چترال کے علاقے ڈومیل میں ایک گھر پر برفانی تودہ گرا، جس کے نتیجے میں 9 افراد جاں بحق جب کہ ایک بچہ زخمی ہوا ہے۔
ڈی سی آفس چترال کا کہنا ہے کہ جاں بحق ہونے والوں میں 4 خواتین اور 5 مرد شامل ہیں۔ جاں بحق افراد کی لاشیں نکال لی گئی ہیں۔
خیال رہے کہ ضلع خیبر کی وادی تیراہ میں حالیہ شدید برف باری کے باعث پھنسے ہوئے آئی ڈی پیز کی محفوظ مقامات پر منتقلی کے لیے ریسکیو آپریشن جاری ہے۔
ڈپٹی کمشنر خیبر بلال شاہد کے مطابق ضلعی انتظامیہ کی نگرانی میں بروقت اقدامات کیے گئے، جس کے نتیجے میں تمام متاثرہ خاندان محفوظ رہے۔
