ملتان/ ڈیرہ بگٹی: میر احمد بگٹی کی نماز جنازہ ادا۔ سابق رکن قومی اسمبلی میر احمدان خان بگٹی گزشتہ روز انتقال کرگئے تھے، وہ پچھلے چند روز سے نشتر اسپتال ملتان میں زیرعلاج تھے۔
ان کا شمار اپنے علاقے کی معزز شخصیات میں ہوتا تھا۔ وہ 2008 سے 2013 کی مدت کے دوران رکن قومی اسمبلی رہے۔
میر احمدان بگٹی کی نماز جنازہ آج ڈیرہ بگٹی اسٹیڈیم میں ادا کی گئی، جس میں لوگوں کی بڑی تعداد شریک تھی۔
میر احمدان بگٹی کو آبائی علاقے ڈیرہ بگٹی میں سپردخاک کردیا گیا۔
