کراچی: اداکارہ اور ماڈل مائرہ خان نے غنا علی کے ساتھ ہونے والے اپنے ایک جھگڑے کی حیران کن روداد سنائی ہے۔
مائرہ خان نے بتایا کہ ایک بین الاقوامی پروجیکٹ کے دوران جاپان میں ایک ناخوش گوار واقعہ پیش آیا تھا۔
مائرہ خان نے بتایا کہ جاپان کے ایک علاقے میں شوٹنگ جاری تھی جہاں میرے ساتھ ساتھی اداکارہ غنا علی بھی تھیں۔
مائرہ خان نے بتایا کہ اُس پہاڑی علاقے میں وائی فائی نہیں تھا۔ جس کے لیے ہم دونوں ایک ہی ڈیوائس استعمال کررہے تھے۔
مائرہ خان کے بقول اس پر جھگڑا اتنا بڑھ گیا کہ میری اور غنا علی کی ہاتھا پائی بھی ہوئی اور پھر ہم دونوں ہی رونے لگے تھے۔
مائرہ نے بتایا کہ اس موقع پر والدہ نے ہم دونوں کے درمیان صلح کروائی اور حل یہ نکالا کہ وائی فائی ڈیوائس کا استعمال رات میں کوئی ایک شخص ہی کیا کرے گا۔
مائرہ نے اعتراف کیا کہ ان کی والدہ کی اس بات نے مجھے اور غنا علی کو دوبارہ دوست بنادیا۔
