کراچی: سپراسٹار ماہرہ خان کو ریمپ واک کرنے پر شدید تنقید کا سامنا ہے۔
حال ہی میں ماہرہ خان ایک فیشن شو میں پُرجوش انداز میں واک کرتی نظر آئیں، جس کی ویڈیو سوشل میڈیا پر خوب وائرل ہورہی ہے۔
تاہم مداحوں اور سوشل میڈیا صارفین کا اداکارہ و ماڈل کا یہ انداز بالکل پسند نہیں آیا اور انہوں نے ماہرہ کے اس پرجوش انداز کو ضرورت سے زیادہ پُراعتماد قرار دے دیا۔
سوشل میڈیا پر وائرل ہونے والی اس ویڈیو کے کمنٹ سیکشن میں ناقدین نے ماہرہ کو آڑے ہاتھوں لیتے ہوئے کہا کہ ایسا لگ رہا ہے ماہرہ کشتی لڑنے آرہی ہیں۔
ایک صارف نے لکھا کہ ماہرہ اوور ایکٹنگ کر رہی ہیں جبکہ ایک صارف نے تو اداکارہ کو پاگل ہی قرار دے دیا۔
خیال رہے کہ یہ پہلی مرتبہ نہیں جب ماہرہ کو تنقید کا نشانہ بنایا گیا ہو، اس سے قبل بھی اداکارہ کو کئی مرتبہ تنقید کا سامنا کرنا پڑ چکا ہے۔
