اسلام آباد: پاک فضائیہ نے 1965 کی جنگ کے ہیرو ایئر کموڈور ایم ایم عالم (مرحوم) کو ان کی آٹھویں برسی پر خراجِ عقیدت پیش کیا ہے۔
ترجمان پاک فضائیہ کے مطابق ایم ایم عالم نے 1965 کی جنگ کے دوران ایک منٹ میں بھارتی فضائیہ کے 5 طیاروں کو گرانے کا شاندار کارنامہ سرانجام دیا۔
پاک فضائیہ کے مایہ ناز ہوا باز نے اپنے F-86 طیارے میں پرواز کرتے ہوئے 5 بھارتی لڑاکا طیاروں کو ایک منٹ میں تباہ کیا اور گیارہ روزہ جنگ میں کل 9 بھارتی طیاروں کو تباہ کیا جو کہ آج تک ایک ناقابلِ شکست ریکارڈ ہے۔
آپ کی ان بہادرانہ خدمات کے اعتراف میں حکومت نے آپ کو دو بار ستارۂ جرأت سے نوازا۔ ایم ایم عالم اس وقت سرخیوں کی زینت بنے جب انہوں نے اپنے F-86 طیارے سے فضائی معرکے میں 9 بھارتی ہاکر طیاروں کو تباہ کیا۔
علالت کے باعث آپ 18مارچ 2013 کو کراچی میں اپنے خالقِ حقیقی سے جاملے تھے۔
