کراچی/ لاہور/ کوئٹہ/ پشاور: ملک کے مختلف حصوں میں بجلی کے بحران کی صورت حال ہے، خاص طور پر صوبہ پنجاب میں اس حوالے سے حالات خاصے گمبھیر ہوچکے ہیں، بجلی کا شارٹ فال 6 ہزار میگاواٹ تک پہنچ گیا۔ شہروں میں 8 سے 10 جب کہ دیہی علاقوں میں 12 گھنٹے تک لوڈشیڈنگ ہونے لگی۔
ذرائع کے مطابق بجلی کی پیداوار 19 ہزار میگاواٹ جب کہ طلب 25 ہزار میگاواٹ تک ہے۔ شہروں میں 8 سے 10 اور دیہی علاقوں میں 10 سے 12 گھنٹے کی لوڈشیڈنگ جاری ہے۔ آئی پی پیز سے بجلی کی پیداوار 13 ہزار میگاواٹ ہے۔ سرکاری بجلی گھروں سے 2 ہزار میگاواٹ بجلی پیدا ہورہی ہے۔
پن بجلی ذرائع سے 4 ہزار میگا واٹ تک بجلی پیدا کی جارہی ہے۔ ایل این جی کی فراہمی اور پانی کی آمد میں اضافے سے شارٹ فال میں کمی متوقع ہے۔
