حیدرآباد: سندھ لائیو اسٹاک ایکسپو رواں ماہ کی 13 سے 15 تاریخ تک ہٹری بائی پاس حیدرآباد میں منعقد ہوگی۔
اس ایکسپو کا انعقاد سندھ حکومت کے محکمہ لائیواسٹاک اینڈ فشریز کے تحت کیا جارہا ہے۔ اس تین روزہ نمائش میں مویشیوں کی بڑی تعداد کی شرکت متوقع ہے۔
لائیو اسٹاک، فشریز اور پولٹری کے شعبے میں سرمایہ کاری کی بڑی گنجائش موجود ہے، لوگوں کو اس شعبے کی اہمیت اور افادیت کے بارے میں جدید معلومات تک رسائی فراہم کی جائے تو مثبت نتائج سامنے آسکتے ہیں۔
اس حوالے سے پچھلے برس بھی لائیو اسٹاک ایکسپو کا کامیابی سے انعقاد کیا گیا تھا۔
