کراچی: شہر کے مختلف علاقوں میں بوندا باندی سے موسم خوش گوار ہوگیا۔
نارتھ ناظم آباد، نارتھ کراچی، ڈرگ روڈ، ایف بی ایریا، ناگن چورنگی، بفرزون اور حیدری سمیت کئی علاقوں میں وقفے وقفے سے بوندا باندی کا سلسلہ جاری ہے۔
کراچی میں ہلکی بوندا باندی سے گرمی کی شدت میں کچھ کمی آئی ہے اور تیز ہوائیں چلنے سے موسم مزید خوش گوار ہوگیا ہے۔
محکمہ موسمیات کا کہنا ہے کہ آج شہر قائد میں رات تک ہلکی بارش کا امکان ہے۔
محکمہ موسمیات کے مطابق کراچی کا 24 گھنٹوں کے دوران مطلع جزوی ابر آلود، موسم گرم اور مرطوب رہنے کا امکان ہے۔
