پاکستان میوزک انڈسٹری کے معروف گلوکار و سماجی کارکن شہزاد رائے شہرِ قائد کی سڑکوں پر سونے والے بےگھر افراد کو دیکھ کر افسردہ ہوگئے۔
سماجی رابطے کی ویب سائٹ ٹوئٹر پر شہزاد رائے نے ایک تصویر شیئر کی ہے جو اُنہوں نے اپنی گاڑی کی کھڑکی سے بنائی۔
ٹوئٹر پر شیئر کی گئی تصویر میں دیکھا جاسکتا ہے کہ مرد اور عورت سمیت کئی افراد سڑک پر سورہے ہیں۔
دل ٹوٹ جاتا ہے اپنے ہی شہر میں لوگوں کو سڑکوں پر سوتا دیکھ کر The distribution of wealth is not determined by nature. It is determined by policy @GovtofPakistan pic.twitter.com/9fMIexinXq
— Shehzad Roy (@ShehzadRoy) August 26, 2021
شہزاد رائے نے یہ دُکھ بھری تصویر شیئر کرتے ہوئے لکھا کہ ’میں جب اپنے ہی شہر میں لوگوں کو سڑکوں پر سوتے ہوئے دیکھتا ہوں تو میرا دل ٹوٹ جاتا ہے۔‘
گلوکار نے اپنے ٹوئٹ میں حکومتِ پاکستان سے مخاطب ہوتے ہوئے لکھا کہ ’دولت کی تقسیم کا تعین فطرت سے نہیں ہوتا، اس کا تعین پالیسی سے ہوتا ہے۔‘
واضح رہے کہ شہزاد رائے اکثر سوشل میڈیا کے مختلف پلیٹ فارمز پر معاشرتی مسائل کو حل کرنے کے لیے حکمرانوں کی توجہ دلوانے کی کوشش کرتے نظر آتے ہیں