دوحہ: قطر میں ہونے والے فٹ بال ورلڈکپ کے گروپ بی کے میچ میں ایران نے سنسنی خیز مقابلے کے بعد ویلز کو ہرادیا۔
ایران نے ویلز کو 0-2 سے شکست دی۔ ایران نے دونوں گولز کھیل کے اضافی وقت میں کیے۔
ویلز کے گول کیپر کو کھیل کے آخری لمحات میں ریڈ کارڈ دکھا کر باہر کردیا گیا جس کے بعد ایران نے اس کا بھرپور فائدہ اٹھاتے ہوئے دو گول داغ دیے اور فتح حاصل کرلی۔
ویلز کے گول کیپر کو 86 ویں منٹ پر ریڈ کارڈ دکھایا گیا، جس کے بعد وہ باہر چلے گئے اور متبادل گول کیپر نے ذمے داری سنبھالی۔
اس کا فائدہ اٹھاتے ہوئے ایران کے چیشمی نے 98 ویں منٹ میں پہلا گول کرکے ٹیم کو برتری دلائی، جسے رضائیان نے 101 ویں منٹ میں دگنا کردیا۔
ایران نے اب تک دو میچز کھیلے ہیں، جن میں سے ایک میں اسے شکست اور ایک میں فتح ملی ہے، وہ 3 پوائنٹس کے ساتھ دوسرے نمبر پر ہے جب کہ انگلینڈ پہلے نمبر پر ہے۔ ہر گروپ سے دو ٹیمیں اگلے مرحلے کے لیے کوالیفائی کریں گی۔
