کراچی: اداکار فیصل قریشی نے پاکستانی اداکاروں کو اکڑ کا حامل جب کہ بھارتی اداکاروں کی تعریف کرتے ہوئے انہیں ملنسار قرار دیا ہے۔
فیصل قریشی نے اپنے پوڈ کاسٹ میں بات چیت کرتے ہوئے بھارتی اداکاروں کے حوالے سے قصہ سنایا۔
فیصل نے بتایا کہ بھارت میں سلمان خان کی غیر سرکاری تنظیم بینگ ہیومن کی ایک بڑی تقریب ہوئی، جہاں پاکستان سے بھی اداکاروں کو مدعو کیا گیا تھا اور بھارتی اداکار بھی موجود تھے۔
فیصل قریشی نے بتایا کہ وہاں دیکھ کر مجھے حیرانی ہوئی، ہم وہاں بھارتی اداکاروں سے مل رہے تھے، پہلی ملاقات سہیل خان اور سنیل شیٹی سے ہوئی جو جم کررہے تھے اور وہ مجھ سے ایسے بات کرنے لگے جیسے ہم بچپن کے دوست ہوں، اس کے بعد میں سلمان خان کے ساتھ ملا، چنکی پانڈے اور جاوید جعفری سب بہت اچھے تھے، تصاویر لینے کے لیے بلارہے تھے۔
فیصل قریشی نے مزید بتایا کہ بھارتی اداکار وہاں ہلہ گلہ کررہے تھے، مجھے اپنے پاکستانی اداکاروں میں تھوڑی اکڑ نظر آتی ہے جب کہ بھارتی اداکار بہت ملنسار لوگ تھے تو ہمیں تھوڑی حیرانی ہوئی کیونکہ بھارتی اداکار بہت خوش آمدید کہنے والے لوگ تھے۔
