آٹو ٹیون کا آپشن نکال دیا جائے تو آئمہ گلوکارہ نہیں رہیں گی، سارہ رضا

کراچی: گلوکارہ سارہ رضا نے آٹو ٹیون استعمال کرنے والوں کو آڑے ہاتھوں لیتے ہوئے گلوکاروں کی فہرست سے ہی نکال باہر کر ڈالا۔
نجی ٹی وی کے مزاحیہ شو میں سارہ رضا نے کہا کہ اگر آٹو ٹیون کا آپشن نکال دیا جائے تو پھر آئمہ بیگ گلوکارہ نہیں رہیں گی۔
انہوں نے کہا کہ آئمہ بیگ بالکل بھی گلوکارہ نہیں، اس طرح اور بھی بہت سارے نام آتے ہیں جو آٹو ٹیون کے بغیر کچھ نہیں۔
سارہ رضا کا کہنا تھا کہ ایک اداکارہ اور ماڈل کے طور پر ہمیں یہ چہرہ پسند ہے، اس کے ساتھ ہی انہوں نے مثال دیتے ہوئے کہا کہ اگر میں فلم بناؤں تو آئٹم سانگ کیلئے میں مہوش حیات کو ہی لوں گی لیکن میں مہوش حیات سے گانا گانے کا نہیں بولوں گی۔
انہوں نے مزید کہا کہ آئمہ بیگ کو اس بارے میں سوچنا چاہیے اور انہیں ٹھیک ہونے کی ضرورت ہے۔