کراچی: شہر قائد کے علاقے گجرنالہ آپریشن میں گھر گرنے کا صدمہ رہائشی خاتون برداشت نہ کرسکیں اور اس صدمے کے باعث انتقال کرگئیں۔
نجی ٹی وی کے مطابق کراچی کے علاقے گجر نالہ بلاک ایف نارتھ ناظم آباد میں ایک رہائشی خاتون کا گھر آپریشن میں مسمار کیا گیا جس کے بعد وہ انتقال کرگئیں۔
اہل خانہ کا کہنا ہے کہ خاتون کا انتقال گھر گر جانے کے صدمے کی وجہ سے ہوا اور اسی صدمے کے باعث مرحومہ کے شوہر کو بھی دل کا دورہ پڑا۔
کراچی کے گجر نالے پر تجاوزات کے خلاف آپریشن کیا جارہا ہے اور عدالت عظمیٰ نے اس آپریشن پر سندھ ہائی کورٹ کے حکم امتناع کو بھی ختم کردیا ہے۔
