کراچی: اداکارہ حرا مانی اور معروف یوٹیوبر رجب بٹ کا نیا گانا ریلیز ہوتے ہی سوشل میڈیا پر وائرل ہوگیا، لیکن گانے کی ویڈیو پر مداحوں کی تنقید بھی جاری ہے۔
اداکارہ حرا مانی اور رجب بٹ کا نیا گانا کچھ عرصے سے خبروں میں تھا اور گانے کی شوٹنگ کے دوران بنائی گئی حرا مانی اور رجب بٹ کی چٹ پٹی باتیں بھی خوب وائرل ہوئی تھیں۔
حرا مانی نے شوٹنگ سیٹ پر رجب بٹ سے فرمائش کی تھی کہ مجھے امیر بنادو۔ اور رجب بٹ نے بھی حرا مانی کو یوٹیوب چینل کھولنے پر لاکھوں سبسکرائبرز گفٹ دینے کا وعدہ کیا تھا۔
اور اب دونوں کا گانا ریلیز ہونے کے بعد سوشل میڈیا صارفین اس کی ویڈیو پر سخت تنقید کررہے ہیں کیونکہ انہیں حرا مانی کا گانے میں کردار ایک آنکھ نہیں بھایا ہے۔
حرا مانی نے اس گانے کی ویڈیو میں ایک رقاصہ کا کردار ادا کیا ہے جب کہ رجب بٹ ایک گینگسٹر ہیں۔
حرا مانی کے رقص کے دوران رجب بٹ اس پر پیسے لٹارہے ہیں۔ حرا مانی پاکستانی نوٹوں کو پیروں تلے روند رہی ہیں۔ حرا مانی کی جانب سے اس اقدام پر صارفین بھڑک اٹھے اور ان مناظر پر خوب تنقید کی جارہی ہے۔
خیال رہے کہ اس گانے کو حمزہ ملک نے گایا ہے اور اس کو یوٹیوب پر ریلیز ہونے کے چند گھنٹوں میں ہی لاکھوں ویوز حاصل ہوچکے ہیں۔
