کراچی: معروف اداکارہ اور ڈرامہ کبھی میں کبھی تم کی مشہور اسٹار ہانیہ عامر ایک بار پھر انسٹاگرام پر سب سے زیادہ فالو کی جانے والی پاکستانی سیلبیریٹی بن گئی ہیں۔
ہانیہ نے 14 ملین فالوورز کا سنگ میل عبور کرتے ہوئے اپنا ہی ریکارڈ توڑ دیا۔ اس سے قبل یہ اعزاز اداکارہ عائزہ خان کے پاس تھا۔
ہانیہ کا دلکش انداز اور متاثر کن شخصیت انہیں نوجوان نسل میں خاص طور پر مقبول بناتی ہے۔
ہانیہ روایتی اور جدید فیشن کے امتزاج کے باعث مداحوں کی توجہ کا مرکز بنی رہتی ہیں۔ چاہے وہ اپنی شاندار لباس کی تصاویر شیئر کریں یا اسکن کیئر کے ٹپس، ان کی ہر پوسٹ فالوورز کو متوجہ رکھتی ہے۔
ڈرامہ میرے ہم سفر اور کبھی میں کبھی تم میں شاندار اداکاری کے ذریعے ہانیہ نے شائقین کے دل جیت لیے ہیں۔ ان کے ہر پروجیکٹ کو بے حد پسند کیا جاتا ہے اور وہ پاکستانی شوبز انڈسٹری میں اپنی جگہ پکی کر چکی ہیں۔
ہانیہ عامر کو سی این این نے پاکستان میں جنریشن زی کی پہچان قرار دیا ہے اور وہ دنیا کے ٹاپ 50 ایشیائی سیلبیریٹیز میں نویں نمبر پر ہیں۔
بھارتی شائقین بھی انہیں بے حد پسند کرتے ہیں اور ان کی بادشاہ کے ساتھ دوستی اکثر سرخیوں میں رہتی ہے۔ لندن میں دلجیت دوسانجھ کے کنسرٹ میں اسٹیج پر ان کا یادگار لمحہ دونوں ممالک کے مداحوں کو حیرت میں ڈال گیا تھا۔
