کیپ ٹائون: امریکا کے صدر ڈونلڈ ٹرمپ نے اشارہ دیا تھا کہ وہ ممکنہ طور پر جی 20 اجلاس میں نہیں جائیں گے۔
دنیا کے اہم رہنماؤں نے جنوبی افریقہ میں ہونے والے جی20 سربراہ اجلاس میں شرکت سے معذرت کرلی ہے۔
رپورٹس کے مطابق چین کے صدر شی جن پنگ 22 نومبر کو جوہانسبرگ میں ہونے والے اجلاس میں شریک نہیں ہوں گے۔
اس سے قبل امریکی صدر ڈونلڈ ٹرمپ نے بھی اشارہ دیا تھا کہ وہ ممکنہ طور پر اجلاس میں نہیں جائیں گے، ان کا کہنا تھا کہ انہیں جنوبی افریقا سے بہت سے مسائل ہیں۔
روسی صدر ولادیمیر پوتن نے بھی شرکت سے انکار کردیا ہے۔ جنوبی افریقا انٹرنیشنل کریمنل کورٹ (آئی سی سی) کا رکن ہے، جس نے یوکرینی بچوں کے اغوا کے الزام میں پوتن کے وارنٹ گرفتاری جاری کر رکھے ہیں، جس کے باعث ان کا سفر ممکن نہیں ہوسکا۔
