لاہور: پاکستانی فلموں کی سینئر ترین اداکارہ فردوس بیگم انتقال کرگئیں۔ انہوں نے ہیر رانجھا سمیت 150 سے زائد فلموں میں کام کیا۔
خاندانی ذرائع کے مطابق فردوس بیگم کو 3 روز قبل برین ہیمرج ہوا تھا، جس کے باعث وہ نجی اسپتال میں زیر علاج تھیں۔
اداکارہ فردوس بیگم کی عمر 73 برس تھی اور انہوں نے پس ماندگان میں 2 بیٹیاں اور ایک بیٹا چھوڑا ہے۔
اداکارہ فردوس بیگم کو پاکستان فلم انڈسٹری کی ‘ہیر’ بھی کہا جاتا ہے، انہوں نے 150 سے زائد پاکستانی فلموں میں کام کیا ہے۔
فردوس بیگم نے فلم ‘ملنگی’، ‘ہیر رانجھا’، ‘انسانیت’ سمیت متعدد فلموں میں اداکاری کے جوہر دکھائے۔
