کراچی: پاکستان کرکٹ بورڈ نے نیشنل اسٹیڈیم میں دو انکلوژرز شاہد آفریدی اور یونس خان سے منسوب کرنے کا فیصلہ کرلیا۔
قائد انکلوژر کا نام بدل کر شاہد آفریدی انکلوژر کردیا جائے گا اور موجودہ ماجد خان انکلوژر کو یونس خان انکلوژر کیا جائے گا۔
اس کے علاوہ موجودہ ظہیر عباس انکلوژر کو نذر محمد انکلوژر کردیا جائے گا۔
نیشنل اسٹیڈیم میں 1050 کی گنجائش والے ان 2 انکلوژرز کو ماجد خان اور ظہیر عباس انکلوژر کا نام دیا جائے گا، حنیف محمد اور فضل محمود انکلوژر کی جگہیں بھی تبدیل کی جارہی ہیں۔
نیشنل اسٹیڈیم کی نئی تعمیر شدہ بلڈنگ میں 2 نئے وی وی آئی پی انکلوژر بن رہے ہیں۔
