لندن: مشہور پاکستانی یوٹیوبر رجب بٹ اور ان کی اہلیہ ایمان رجب کے ہاں پہلے بچے کی پیدائش ہوئی ہے۔
رجب بٹ ایک متنازع یوٹیوبر اور ٹک ٹاکر ہیں جنہوں نے مختلف تنازعات اور فیملی بلاگنگ کی وجہ سے شہرت حاصل کی۔ رجب بٹ ان دنوں قانونی مقدمات کی وجہ سے پاکستان میں نہیں ہیں۔
آج رجب اور ایمان نے اپنے پہلے بچے کو دنیا میں خوش آمدید کہا ہے۔ یوٹیوبر پاکستان اور گھر والوں سے دور لندن میں بیٹے کی پیدائش پر بھرپور جشن منا رہے ہیں۔
سوشل میڈیا پر رجب بٹ کی ایک ویڈیو وائرل ہورہی ہے جس میں انہیں ڈھول کی تھاپ پر رقص کرکے خوشی سے جشن مناتے ہوئے دیکھا جاسکتا ہے۔ اس موقع پر رجب کے ساتھ ان کے دوست بھی موجود ہیں۔
مداحوں کی جانب سے رجب بٹ کو بیٹے کی پیدائش پر مبارک باد دینے کا سلسلہ جاری ہے۔
