راولپنڈی: آئی سی سی چیمپئنز ٹرافی میں آج پاکستان اور بنگلادیش کے درمیان میچ راولپنڈی کرکٹ اسٹیڈیم میں کھیلا جانا تھا، جو وقفے وقفے سے جاری رہنے والی بارش کے سبب اب منسوخ کردیا گیا ہے۔
پاکستانی وقت کے مطابق ٹاس 1 بج کر 30 منٹ پر ہونا تھا جو نہیں ہوسکا، کیونکہ شہر میں وقفے وقفے سے بارش کا سلسلہ جاری ہے۔
میچ منسوخی کے بعد پاکستان اور بنگلادیش کو ایک ایک پوائنٹ دے دیا گیا۔
خیال رہے کہ گروپ اے میں سے بھارت اور نیوزی لینڈ پہلے ہی ٹورنامنٹ کے سیمی فائنل کے لیے کوالیفائی کرچکے ہیں۔