لندن: پاکستان کے عالمی شہرت یافتہ اداکار علی خان کی برطانوی فلم ’مغل موگلی‘ برطانیہ اور آئرلینڈ کے سنیما گھروں میں ریلیز کردی گئی۔
برطانوی فلم ’مغل موگلی‘ میں پاکستانی اداکار علی خان نے اہم کردار ادا کیا ہے جب کہ اس فلم میں پاکستانی نژاد برطانوی اداکار رضوان عرف رض احمد نے مرکزی کردار نبھایا ہے۔
ہدایت کار بصارم طارق اور اداکار رض احمد نے مل کر فلم کا اسکرپٹ لکھا ہے۔
مغل موگلی کی کہانی ایک پاکستانی نژاد برطانوی ریپر کے گرد گھومتی ہے جو لندن میں رہائش پذیر ہے اور موسیقی کے کیریئر کے اہم موڑ پر ریپر موذی بیماری کا شکار ہو جاتا ہے۔
برطانوی فلم ’مغل موگلی‘ کے حوالے سے پاکستانی اداکار علی خان کا کہنا ہے کہ یہ فلم بینوں کو جذباتی سطح پر متاثر کرنے کی صلاحیت رکھتی ہے۔
